Hýsing

Með því að hýsa kerfið í Azure skýinu, sparar þú fjárfestingu í vélbúnaði, afritunarbúnaði, hugbúnaðarleyfum og kostnaði við rekstur tölvukerfa.

Hægt er að nálgast gögnin í tölvunni, símanum og spjaldtölvunni, því að með hýsingu er bókhaldið aðgengilegt hvaðan og hvenær sem er.

Gagnaver Microsoft Azure er talið eitt öruggasta og öflugasta sinnar tegundar í heiminum.

Hvaða hýsing hentar þér?

Hægt er að hýsa allar studdar útgáfur af Microsoft Dynamics NAV bókhaldshugbúnaðinum. Öll hýst kerfi eru uppsett og þeim viðhaldið af vottuðum sérfræðingum.

Þrjár gerðir af hýsingu

Val er um þrjár gerðir af hýsingu eftir því hvað hentar hverju fyrirtæki: NAV áskrift, NAV einkaleigu eða NAV einkahýsingu.

NAV í áskrift

Hentug hýsingarleið fyrir þá viðskiptavini sem eru með staðlaða NAV áskriftarleið og engar sérbreytingar á kerfinu.

NAV einkaleiga

Hentar vel fyrir þá viðskiptavini sem vilja aðlaga kerfið að sínum þörfum og bætt við sérlausnum.

NAV einkahýsing

Á vel við þá viðskiptavini sem eiga hugbúnaðarleyfin sín en vilja nýta sér skýjaþjónustur til að auka öryggi og uppitíma ásamt því að hafa aðgang að bókhaldinu hvaðan sem er. Með því sparast einnig rekstrarkostnaður við vélbúnað og umsjón kerfisins.

Hvað býður Wise?

Wise býður upp á að hýsingu á bókhaldskerfinu ásamt vistun á gögnum í skýinu sem tryggir gott aðgengi að þeim í gegnum bæði tölvur og snjall lausnir.

Hér er um þrjár leiðir að velja. Viðskiptavinir geta nýtt sér hýsingu hvort sem þeir eiga hugbúnaðarleyfi eða ekki. Þeir sem eiga leyfi geta nýtt sér einkahýsingarmöguleika Wise og valið þá kostinn NAV einkahýsing. Ef viðskiptavinurinn vill einfalda þjónustu sem er fljótlegt að setja upp og einfalt að viðhalda þá mælum við með NAV í áskrift – hýsingarleiðinni. Þeir viðskiptavinir sem eru með flóknar aðlaganir og sérhæfingar kerfisins að sinni starfsemi geta valið sér NAV einkaleigu.

Hægt er að hýsa allar nýlegar útgáfur af Microsoft Dynamics 365 Business Central (NAV) bókhaldshugbúnaðinum. Öll hýst kerfi eru uppsett og þeim viðhaldið af vottuðum sérfræðingum. Hýsing á bókhaldsþjónustu er hagkvæmur kostur fyrir fyrirtæki af öllum stærðargráðum.

Hugleiðingar um skýjalausnir

Með skýjalausnum býðst fyrirtækjum hagkvæmni og sveigjanleiki þar sem leigður er aðgangur fyrir notendur að hugbúnaði í stað þess að hugbúnaðurinn sé keyptur. Sem dæmi um þetta er áskriftarleið Wise fyrir bókhalds- og fjárhagskerfið Microsoft Dynamics 365 Business Central (NAV). Með áskriftinni fær viðskiptavinurinn aðgang að þeim bókhalds og rekstrarhugbúnaði sem hann þarf. Það liggur ljóst fyrir hver kostnaðurinn er um hver mánaðarmót fyrir notandann.

Mikil aukning í notkun skýjalausna

Kannanir sýna ótvíræðan vöxt skýjalausna. Á síðastliðnum 5 árum hefur aukning á fjölda notenda margfaldast og eykst jafnt og þétt með ári hverju.

Hvað er þetta ský?

Skýið er risavaxið gagnaver sem er varið með eldveggjum. Þar vinna sérfræðingar og tæknimenn við að tryggja gæði og öryggi gagna þeirra óteljandi viðskiptavina sem nýta sér skýið. Við þekkjum flest Gmail, Dropbox og netleiki, þetta eru dæmi um skýjalausnir. Viðskiptavinurinn kemur aldrei að uppsetningu eða viðhaldi á forritunum.